“MEDİA Savadlılığı” Həftəsi çərçivəsində növbəti dəfə “Kreativ Media - Bakı” adlı məzmun müsabiqəsi elan edilir

Azərbaycan Respublikasının Medianın İnkişafı Agentliyi və “AzerGold” Qapalı Səhmdar Cəmiyyətinin birgə təşkilatçılığı ilə “MEDİA Savadlılığı” Həftəsi çərçivəsində növbəti dəfə “Kreativ Media - Bakı” adlı məzmun müsabiqəsi elan edilir.

Müsabiqə jurnalistika və kommunikasiya ixtisası üzrə təhsil alan, eləcə də media sahəsinə maraq göstərən digər ixtisasdan olan tələbələr üçün nəzərdə tutulub.

Müsabiqənin keçirilməsində məqsəd gənclərdə:

• Media savadlılığı və dezinformasiya ilə mübarizədə yeni məzmun ideyalarının yaradılmasına dəstək göstərmək;
• Gənclər üçün peşəkarlaşmasına dəstək göstərmək;
• Bu istiqamətdə ixtisaslaşmanın təşviq edilməsidir. 

Müsabiqəyə “Süni intellekt və etika: təhlükəsiz rəqəmsal cəmiyyət”, “Müxtəlif sənayelər üzrə etibarlı məlumatlandırmanın təmini: ⁠dağ-mədən sənayesi” və “Media savadlılığı sosial məsuliyyətlilik kontekstində” mövzuları üzrə hazırlanmış məqalələrlə müraciət etmək mümkündür.

Müsabiqə üçün dil, həcm və janr məhdudiyyəti nəzərdə tutulmur.

Qiymətləndirmə materialın yaradıcı, orijinal və maarifləndirici əhəmiyyətli olması, jurnalistikanın prinsiplərinə uyğunluğu, eləcə də plagiat və ya emal olunmamış informasiyanın (“copy-paste”) həcmi nəzərə alınmaqla aparılacaq.

20 dekabr saat 12:00-dək göstərilən linkdəki elektron qeydiyyat formasını dolduraraq müraciət edə bilərsiniz.

Qeyd edək ki, qaliblərə hədiyyə və sertifikatların təqdim edilməsi, həmçinin onların məqalələrinin peşəkar onlayn media subyektlərində paylaşılması nəzərdə tutulur.

Müraciət üçün son tarix: 20 dekabr 2025-ci il, saat 12:00

Qeydiyyat linki: https://shorturl.at/50FOD

Əlavə məlumat üçün:

Email: [email protected]

Telefon: (012) 526-16-16

              (994) 55-362-90-95